Nënkryetari i Unionit të Odave të Zejtarëve dhe Mjeshtarëve të Denizlit (DESOB), Osman Üçgül, zhvilloi më 8 korrik 2024 takime të rëndësishme në Kosovë me qëllim zhvillimin e marrëdhënieve tregtare midis Kosovës dhe Turqisë dhe nxitjen e investimeve të ndërsjella.

Në kuadër të vizitës, në bisedimet e zhvilluara me organet përgjegjëse në Kosovë u trajtuan lehtësimi i tregtisë midis dy vendeve, përshpejtimi i proceseve të investimeve dhe mundësitë e reja të bashkëpunimit. Nënkryetari Üçgül, duke tërhequr vëmendjen mbi rëndësinë e dixhitalizimit, deklaroi: “Bisedimet tona vazhdojnë për të njohur lehtësimet dhe mundësitë në marrëdhëniet tregtare. Me epokën e internetit, zejtarët tanë duhet të kalojnë kufijtë”.

Një nga pikat e rëndësishme të programit ishte vizita zyrtare e realizuar në zyrën e Konsullit të Përgjithshëm të Republikës së Turqisë në Prizren, Zotit Celal Doğan. Në takim, Konsullit të Përgjithshëm iu dorëzua një dosje e plotë që përmbante vështirësitë e hasura në proceset e investimeve midis dy vendeve dhe propozimet për zgjidhje.

Në kuadër të vizitës, u zhvilluan bisedime për lidhjen e një marrëveshjeje bashkëpunimi midis DESOB-it dhe Odës së Investuesve Kosovë–Turqi (KTYO). Në vlerësimet e bëra me Kryetarin e KTYO-së, Kevork Fındıklıyan, në pah doli synimi për rritjen e kontakteve tregtare midis anëtarëve të dy institucioneve dhe realizimin e projekteve të përbashkëta.

Gjithashtu, Nënkryetari Üçgül pati rastin të inspektojë në vend Shoqërinë Art Aluminyum, një nga investimet turke të suksesshme në Kosovë. Në takimin me përfaqësuesit e shoqërisë, u morën informata të detajuara për proceset e prodhimit dhe objektivat e eksportit.

Si KTYO, mbështesim pjesëmarrjen më efektive të zejtarëve dhe ndërmarrësve turq në tregun e Kosovës dhe e ndjekim me kënaqësi këtë proces të bashkëpunimit të planifikuar me DESOB-in.