Klubi që jep një kontribut të madh në zhvillimin e sportit të mundjes në Kosovë, "Klubi i Mundjes Fushë Kosova", tani do t'i zhvillojë stërvitjet e veta në sallën e vet në Prishtinë.

Salla e re u inaugurua me pjesëmarrjen e Kryetarit të Komitetit Olimpik të Kosovës, İsmet Krasniqi, të Kryetarit të Federatës së Mundjes së Kosovës, Naim Muja, të Këshilltares Tregtare të Ambasadës së Turqisë në Prishtinë, Seda Ulukaya, si dhe të shumë të ftuarve të tjerë të shquar. Kryetari i Klubit të Mundjes Fushë Kosova dhe i Shoqatës së Investuesve Turq në Kosovë, Kevork Fındık, në fjalimin e tij theksoi se investimet do të vazhdojnë "për zhvillimin e sportit të mundjes në Kosovë dhe për edukimin e sportistëve të suksesshëm në arenat ndërkombëtare".

Në ceremoninë e hapjes, fëmijët e dashuruar pas këtij sporti iu prezentuan mysafirëve me disa shfaqje në të cilat demonstruan talentet e tyre.

Objekti i Klubit të Mundjes Fushë Kosova, i themeluar në vitin 2022, u realizua me sponsorizimin e Odës së Investuesve Kosovë–Turqi (KTYO), të TEB dhe të ART ALM. Ne, si KTYO, u urojmë suksese klubit tonë dhe vazhdojmë t'i mbështesim ata me një nder të madh.